Introdussion

I preuv a ten-e ist diari public ant l’aragnà për vàire motiv përsonaj. 

I lo ten nen mach an italian, ma dcò an piemontèis cme na forma ‘d volèj bin a sa lenga dij mè nòno. Për curiosità am càpita ‘d sente ‘d radio o lese ‘d sit an catalan, e am dëspias che j’istess afé a-i sìo nen ant nòsta lenga. Nòst Piemontèis a l’é an camin ch’a meuir, e a peul sopravive mach s’i lo dovroma. E an gir ëd sòlit it treuvi mach boricade për fé rije, poisie e pòch d’àutr. 

Mi i-i giont coste mie boricade, ch’a l’han gnun-e pretèise, mach dij pensé campà lì. I ten ist diari për scrive 'd lòn ch'a càpita, për ten-e an diari spiritual, considerassion politiche, ëd tut lòn ch'i pens a sia rilevant. Sensa gnun-e preteise d'esse ël pì svicc, inteligent o furb.